top of page

肉搏食堂|值得一試丼飯專門店,飲品有驚喜!

已更新:2022年4月18日



呢到主打慢煮肉丼,不過今次主要想試吓佢地嘅刺身丼!所以今次嗌咗兩個刺身丼😋


其中一個轉咗做套餐,包咗一碗湯同埋野飲。呢個湯真係比到驚喜我地喎!原本諗住日本餐廳餐湯都應該係普通麵豉湯,但估唔到原來係碗羅宋湯😂呢碗湯正正常常啦,略嫌鹹咗少少,不過都見到啲料有菜有少少肉,都唔似係啲罐頭湯嘅🙈






✨海膽帶子三文魚刺身丼 $108

呢碗海膽帶子三交魚刺身丼都幾唔錯!三文魚嘅油脂分佈得岩岩好,唔會好油膩👍🏻海膽唔腥,帶子都幾甜😋三款刺身都做得唔錯!不過唯獨係牛油果硬咗少少,可能因為有啲生,食落就無乜牛油果味🤥









✨火炙三色魚生丼 $98

下一樣就係呢碗火灸三色魚生丼,呢碗丼飯相對失色少少☹️本身好期待佢地嘅火灸刺身會有入口即溶嘅口感,但食落有少少乾身(尤其係火炙吞拿魚),感覺唔似食緊刺身咁😯不過值得一讚嘅係,加咗日本雞蛋落丼飯到又幾好食☺️如果另一碗丼飯都有得加雞蛋就好🤣











✨青瓜青蘋果沙冰 $58 (跟餐加配+$38)

今次野食我地嗌咗青瓜青蘋果沙冰,第一啖未攪勻飲落無乜味🤣飲咗第二啖,真係有驚喜!青蘋果味好出,去到後勁就感受到青瓜味,好特別好清新!本身都驚青瓜味會唔會好奇怪,但好彩完全唔會😂如果要解渴飲呢杯野真係好岩👍🏻





整體黎講都唔錯,想拍吓拖仔chill chill地食個lunch呢間都係唔錯嘅選擇,個人覺得佢啲野飲做得幾唔錯幾特別👍🏻都值得加錢去試吓!有機會嘅都會再過黎試吓佢地主打嘅慢煮肉丼☺️


題外話,佢地嘅廁所幾乾淨企理👍🏻


味道:3.5/5

價錢:4/5

環境:4/5

整體:4/5


肉搏食堂

1 次查看

最新文章

查看全部

תגובות


bottom of page