top of page

Sensory ZERO|價錢唔算平但幾岩打卡

已更新:2022年4月18日



Ig成日見到佢呢杯痴_線朱古力🍫今次仲要新開咗黎新界區,就梗係要過嚟試吓啦😋


今次係星期日lunch time時間過黎,都有唔少人等緊位,但係好彩舖頭都多位置比客人坐,所以都唔係等咗好耐就可以入座喇🤓


今次我哋總共嗌咗兩個飯加一杯佢地signature嘅痴線朱古力🥰驟眼望幾乎每一台都會嗌佢哋呢個痴線朱古力🤣


✨痴_線朱古力 $50

呢杯痴_線朱古力用咗三種唔同種類嘅朱古力沖成,分別係白朱古力、黑朱古力同埋可可粉,再配埋底下嘅朱古力泡沫同埋朱古力奶😳攪勻完之後畢左一啖面頭嘅朱古力泡沫試吓,的確係有好濃郁嘅朱古力味同豐富嘅口感,飲多兩啖都唔會覺得好漏,兩個女仔share就最啱啦☺️👍🏻真係比到驚喜我哋☺️


美中不足嘅係擺耐咗開始攤凍,飲到底下嘅朱古力奶味道開始無一開頭飲咁濃郁,反以偏淡咗少少,所以建議大家都要趁熱攪勻飲☺️


✨澳洲M5+和牛肩肉溫泉蛋飯 $158

本身睇人地啲review都講到佢地啲飯麻麻地,但今次嗌嘅呢兩個飯都出乎我的意外之外好食喎🥰👍🏻


佢地嘅M5和牛好鮮嫩好有油香味,望落有啲乾但估唔到食落咁juicy🤤咬落每一啖都有肉汁,都幾唔錯😍撈埋溫泉蛋汁同埋紫菜,令成個飯更加好味!不過略嫌份量唔算多,如果男士黎食嘅話未必夠飽😫


✨蒲燒三層鰻魚滑蛋飯 $118

另外叫咗個鰻魚飯,呢度總共有三大嚿鰻魚,每一舊都好肥美,幾厚身,同時都做到外焦內嫩嘅口感🤩滑蛋份量唔算多,不過都幾嫩滑幾有蛋香味👍🏻再加上鰻魚汁,將兩樣野撈埋一齊食都幾夾🤓


總括嚟講,呢到雖然價錢算偏貴,但係食得出餐廳無論食材定係用功都落咗唔少心機,尤其是佢地最signature嘅Crazy Chocolate!所以整體來講都係值得試嘅餐廳🤤


味道:4

價錢:3.5

環境:3.5

整體:3.5


Sensory ZERO


2 次查看

最新文章

查看全部

Commentaires


bottom of page