老掌櫃真係其中一間小編覺得抵食又好食嘅餐廳☺️每碟餸份量都好足夠，最岩一大班朋友一齊去😉不過佢距離奧運站都唔算近，想去嘅朋友真係要預啲時間行過去
✨北京填鴨 半隻$168
一黎到望到真係相當足料，就算係半隻都有12件肉，包保人人都有得食肉🤣佢地嘅鴨唔會好油膩好騷，塊鴨皮亦都燒得幾香脆👍🏻至於塊皮就正正常常，唔會話太大塊搞到你淨係食皮都食濟🤣
✨蒜蓉秋葵 $66
呢一個真係出乎意料咁好食喎！可能因為小編好中意食蒜蓉😋中意食蒜嘅朋友呢一碟真係好推薦您！佢地嘅蒜蓉炒得好香，再配埋佢地嘅秋葵同醬汁真係好惹味☺️
✨麻辣青瓜涼皮 $56
中意食麻辣嘅朋友要試吓呢款😉煙煙韌韌嘅涼皮再配埋清瓜，本身就已經係好清新惹味嘅配搭！再加上佢地嘅麻辣醬油嘅麻香味真係幾香，真係愈食愈辣愈惹味😂
✨砂鍋雲吞雞 半隻 $138
雲吞雞嘅湯好有鮮味好好味！就算係飲埋佢個湯都唔會怕太重味精味😉👍🏻雲吞有大約六粒左右，再配埋啲娃娃菜，就算嗌半份都真係好抵食！
總結嚟講，呢間老掌櫃真係一間幾抵食嘅餐廳😉無論係佢哋嘅招牌北京填鴨，定係其他小食前菜，都做得頗有水準😊有機會黎嘅話都會再試吓佢其他小食～不過座位比較密，坐就當然無高級餐廳咁舒服，但呢個價錢係唔錯！
味道：4
價錢：4.5
環境：3.5
服務：4
整體：4
老掌櫃
分店地址：