top of page

C2Kitchen|平價手工意粉,價錢實惠

已更新:2022年4月18日



有一次無意中睇到有報道森美介紹呢間餐廳,見佢地主打手工意粉,價錢實惠,就即刻bookmark咗呢一間😉


呢一間餐廳唔近地鐵站,行過黎都要10分鐘,但都唔難搵,所以都好易由地鐵站行過黎😊


原來諗住試吓佢地個海膽意粉,但原來好多都係dinner先叫得,同埋餐廳會不定期轉menu,所以選擇唔係好多,今次我地嗌咗一個意粉lunch set、一個手工意粉同一份青口,意粉方面分別係溫泉蛋卡邦尼扁意粉同櫻花蝦冬陰功意粉🍝。


Lunch set會送埋餐湯同埋沙律,忌廉湯都重幾cream味,反而沙律幾surprise到我地🤣佢地唔係普通Caesar salad,有大大個蜜桃做配料,沙律醬方面用咗honey mustard sauce,配埋沙律菜,食落好開胃👍🏻


✨白酒香草煮鮮藍青口 $58

至於佢地個藍青口,佢地加咗昆布同香草落白酒汁到,白酒味唔重,反而有好大陣香料味,呢個味道大家鍾唔鍾意就見仁見智啦🙈食食下唔知點解個湯愈黎愈黑,唔知係唔係因為啲昆布..?數量方面唔算少,但唔算好大隻,偶爾一兩隻都食到有殼,以$58黎講對比出面餐廳都幾抵食嘅🙈不過我自己個人覺得用呢個價錢試佢其他小食會更好😬


✨櫻花蝦冬陰功意粉 $66


至於呢個冬陰功意粉,冬陰公味唔算好濃,食耐啲先至會有少少冬陰功味,反而蕃茄味重好多。


不過要留意番佢哋呢隻唔係手工意粉,只係普通嘅意粉,我地以為喺得menu到都係手工意粉,所以嗌咗先知原來嗌錯咗🤣如果一心想嚟食手工意粉嘅朋友就記得問清楚店員先🥺


✨溫泉蛋卡邦尼扁意粉 $54

呢一個溫泉蛋卡邦尼意粉真係好好食😍要整得好食嘅溫泉蛋唔容易,佢地嘅溫泉蛋整得唔錯,吉開咗之後每一條手工意粉都掛到溫泉蛋嘅蛋黃汁👍🏻而且佢地嘅煙肉洋蔥配料都炒得好香,不過唯獨我個人而言咸咗少少,但總括嚟講都好好食,cp值好高!


另外跟餐仲包咗一杯野飲,我地就揀咗水蜜桃檸檬菊花茶,原本諗住嗌一杯fresh啲嘅野飲,但呢杯無想像中咁fresh🤣反而菊花味好重,重得黎帶有少少澀味,未必個個人都鍾意🙈


總括嚟講呢一間以呢個價嚟講CP值都幾高嘅👍🏻佢地主打嘅手工意粉唔會太厚身,而且份量都唔少,一定食得飽😋如果口感可以再彈牙啲就更加完美🤤


味道:3/5

價錢:4/5

環境:3/5

整體:3.3/5


C2 Kitchen


3 次查看

最新文章

查看全部

コメント


bottom of page