top of page

藍屋|香港好去處|舊香港

灣仔打卡好去處! 香港一級歷史建築~帶你感受昔日香港生活

藍屋由來

藍屋在1922年興建,今年已經有百年歷史!屬於香港一級歷史建築之一,因外牆顏色為藍色,所以被人稱為「藍屋」。但其實藍屋並非一開始就喺藍色,以前外牆為灰色。因為90年代進行翻新工程時,油漆工人手上就只得水務署常用嘅藍色油漆,所以就將建築物嘅外牆塗抹成藍色。如果唔喺因意外塗上藍色,其實藍屋只喺一座普通嘅唐樓。


藍屋曾經喺醫院,名為「華佗醫院」。原本只得2層後來改建成四層高嘅建築,地下為「華佗廟」。華佗廟之後改為黃飛鴻徒弟親戚開設嘅武館。去到1960年代,武館再改為醫館,保留至今。藍屋仲曾經有一間二戰前灣仔區內唯一嘅英文學校「一中書院」,同有一間為小孩提供免費教育場所,名叫「鏡涵義學」。


藍屋打卡位1:舊有「華陀醫院」的石造匾額


藍屋打卡位2:藍白色外牆

影藍白色牆又得,淨係影藍色牆又得!襯埋藍色衫嚟影相仲靚😍


藍屋打卡位3:藍屋建築群中間的空地



展覽館:香港故事館

「香港故事館」致力推廣香港社區文化特色及藝術活動。館內展示唔少昔日香港嘅生活用品或當時流行產物,例如保溫壺、黑膠碟、打字機、海報等,帶大家了解更多香港珍貴嘅歷史。

故事館更會不時舉辦唔同活動俾公眾參加,從唔同活動認識大家生活嘅地方 - 香港!

(因疫情關係暫時未開放導賞團)


最近疫情緩和,香港故事館由21/4(四) 起局部開放,但所有互動式展品及公眾導賞維持暫停


藍屋建築群

慶雲街2、4、6、8號(黃屋)

景星街8號(橙屋)

交通:從港鐵灣仔站A3出口,沿太原街到皇后大道東,再轉入石水渠街。

115 次查看

最新文章

查看全部

Comentários


bottom of page